ცენტრალური შეხვედრის წინასამატჩო პრესკონფერენცია

მე-4 ტურის ცენტრალური შეხვედრა ,,დინამოსა’’ და ,,რუსთავის’’
გუნდებს შორის გაიმართება. დღეს ერთ-ერთი გუნდისთვის წაუგებელი სერია დასრულდება. თამაშის
დაწყებამდე გუნდების მწვრთნელებმა წინასამატჩო პრესკონფერენციაზე ისაუბრეს.

ირაკლი ხოშტარია(,,დინამოს’’
მთავარი მწვრთნელი): ძალიან ძლიერი მეტოქე გვყავს და ველოდებით სერიოზულ
თამაშს. შევეცდებით, კარგად ვითამაშოთ, ვნახოთ, როგორ გამოგვივა. მათიაშვილის თამაში
კითხვის ნიშნის ქვეშაა, ალბათ, არც გიორგი ვახანია იქნება. ჩვენთვის თითოეული მოთამაშე
დიდი ძალაა, არ ვართ სრული შემადგენლობით, თუმცა ბოლომდე ვიბრძოლებთ წარმატებისთვის.

ბადრი კიკვიძე(,,რუსთავის’’
მწვრთნელი): გუნდი მწყობრშია, მხოლოდ გუგავა არ გვეყოლება ტრავმის
გამო. ორივე გუნდი ჩემპიონატის ლიდერია, ამიტომ ძალიან რთულ და მძიმე თამაშს ველოდებით.