სტუდენტურ ლიგაში ნახევარფინალისტები გამოვლინდნენ

სტუდენტური
საკალათბურთო ლიგის საუკეთესო ოთხეული ცნობილია. კვირას და ორშაბათს გამართულმა
მეოთხედფინალური სერიის მატჩებმა ის გუნდები გამოავლინა, რომლებმაც ნახევარფინალში
ასპარეზობის უფლება მოიპოვეს.

 

მეოთხედფინალური
სერიები 2 მოგებამდე გრძელდებოდა და ოთხივე წყვილში მშრალი ანგარიში – 2:0
დაფიქსირდა. საქართველოს ეროვნულმა უნივერსიტეტმა საავიაციო ინსტიტუტის გუნდი ჯერ
83:79 დაამარცხა, საპასუხო მატჩში კი უფრო დამაჯერებლად – 90:75 სძლია და
ნახევარფინალში გავიდა.

 

იოლად მოიპოვა
ნახევარფინალის საგზური ტექნიკური უნივერსიტეტის გუნდმა, რომელმაც აგრარულ
უნივერსიტეტს ორი მატჩის ჯამში 186:117 სძლია. სამედიცინო უნივერსიტეტმა ილიას
უნივერსიტეტს აჯობა – 80:76 და 76:66.

 

ყველაზე საინტერესო
ორთაბრძოლა თსუ-სა და ჯიპა-ს შორის გაიმართა, თუმცა ამ წყვილში მაყურებელმა მხოლოდ
1 მატჩი იხილა. სერიის პირველი შეხვედრა სახელმწიფო უნივერსიტეტის გუნდმა დაძაბულ
ბრძოლაში, 2 ქულით – 64:62 მოიგო და საპასუხო მატჩშიც დიდი ბრძოლა ივარაუდებოდა,
მაგრამ დღეს გასამართი მატჩი არ ჩატარდა. ჯიპა-ს გუნდს მოთამაშეთა არასაკმარისი
რაოდენობა ჰყავდა და მატჩის კომისარმაც, ოფიციალური წესებისა და დებულების
საფუძველზე წაგება ჩაუთვალა. შესაბამისად, სერია თსუ-მ მოიგო და ნახევარფინალში
გავიდა.

 

ნახევარფინალში
გუნდები შემდეგნაირად დაწყვილდნენ: სტუ – სამედიცინო, თსუ – სეუ.

 

22 მარტი

 

თსსუ –
ილიაუნი  76:66

 

სეუ –
საავიაციო   90:75

 

სტუ –
აგრარული  78:60

 

23 მარტი

 

აგრარული
– სტუ  57:108

 

ილიაუნი
– თსსუ  67:80

 

საავიაციო
– სეუ 79:83

 

თსუ –
ჯიპა  64:62