სუპერლიგის მე-2 წრის მე-2 ტური გუშინ ქუთაისში გაიხსნა, სადაც სტუმრად ჩასულმა ,,ბათუმის” გუნდმა ,,ქუთაისი” დაამარცხა. ტურის დარჩენილი შეხვედრები დღეს სპორტის სასახლესა და სპორტკომპლექს ,,არენაში” გაიმართება”.
ცენტრალურ შეხვედრას ,,შსს აკადემიასა” და ,,რუსთავს” შორის თბილისის სპორტის სასახლე მასპინძლობს. გაგაცნობთ თამაშის დაწყებამდე გუნდების მთავარი მწვრთნელების მიერ გაკეთებულ კომენტარებს.
კოტე ტუღუში(,,შსს აკადემიის” მთავარი მწვრთნელი): სატურნირნო ცხრილში ჩვენ და ,,რუსთავის” გუნდს ერთნაირი ქულები გვაქვს, ამიტომ სერიოზული და დაძაბული შეხვედრა გველის. ორივე გუნდისთვის გამარჯვება ძალიან მნიშვნელოვანია. გუშინდელმა თამაშმაც აჩვენა, რომ ჩემპიონატი ძალიან დაიძაბა და თითოეულ შეხვედრას დიდი მნიშვნელობა აქვს და ყველა გუნდი ანგარიშგასაწევია. რთულია თასის ფინალში მოგების შემდეგ ”რუსთავის” ზედიზედ მეორედ დამარცხება, მაგრამ ჩვენ მაქსიმალურად ვეცდებით საკუთარ კედლებში გამარჯვება მოვიპოვოთ.
მიხეილ ბერუაშვილი(,,რუსთავის” მთავარი მწვრთნელი): დაძაბული თამაში იქნება, ტურის ცენტრალური შეხვედრაა და ვეცდებით, წარმატებას მივაღწიოთ. ეს არ იქნება მარტივი, თუმცა იმედიანად ვართ განწყობილები.
