სტატისტიკა
ძალიან პრინციპულ მატჩს უმასპინძლა ქუთაისმა. რეგულარული
ჩემპიონატის მოსაგებად მებრძოლმა გუნდებმა – „ბათუმმა“ და „ქუთაისმა“ – ქუთაისში ითამაშეს.
პირველ ადგილზე მყოფ აჭარულ გუნდს ქუთაისელებმა 76:73 მოუგეს და პირველ ადგილზე გადაინაცვლეს.
ქუთაისელთა ბოლო ტურის მეტოქე „დინამოა“, რომლის დამარცხების
შემთხვევაშიც კოტე ტუღუშის გუნდი პირველობას გაინაღდებს დაპლეი ოფში ნებისმიერ მეტოქესთან
მოენის უპირატესობა ექნება. ეს უპირატესობა ქუთაისელებმა დღეს „ბათუმის“ დამარცხებით
მიიღეს.
მატჩი გარდამავალი უპირატესობით წარმართა. პირველი პერიოდი
მასპინძელმა ქუთაიელებმა 31:20 მოიგეს, თუმცა მომდევნო პერიოდში ბათუმელებმა სოლიდური
უპირატესობა მოიპოვეს და ათწუთეულის 23:5 მოგებით დიდ შესვენებაზე 7-ქულიანი ლიდერობით
გავიდნენ.
მთავარი ამბები მეორე ტაიმში მოხდა. მატჩი თანაბრად,
ქულა-ქულა ბრძოლაში გაგრძელდა და ბოლო წუთებზე მეტად მობილიზებულმა მასპინძლებმა იმარჯვეს.
გუნდური თამაშის წყალობით კოტე ტუღუშის გაწვრთნილმა ქუთაისელებმა უაღრესად მნიშვნელოვანი
გამარჯვება მოიპოვეს და პირველ ადგილზე გადაინაცვლეს.
ქუთაისელებს აზერბაიჯანელმა ლეგიონერმა – ზაურ ფაშაევმა
ულიდერა, რომელმაც 26 ქულა მიითვალა. 10-10 ქულა მიითვალეს ბექა ბექაურმა და გიორგი
ბარბაქაძემ. ბათუმელებში 15 ქულით ბომბარდირი ბესო ლეჟავა გახდა.
სუპერლიგის ბოლოსწინა, 27-ე ტური ხვალ, 23 აპრილს, თბილისის
სპორტის ახალ სასახლეში, „აკადემია“ – „რუსთავის“ მატჩით დასრუდება.
მატჩისშემდგომი კომენატარები
კოტე ტუღუში („ქუთაისის“ მთავარი მწვრთნელი): მნიშვნელოვანი თამაში იყო, მიუხედავად იმისა, რომ 4-ეულში ორივე გუნდი გასული ვართ, გუნდები მოედნის უპიპრატესობისათვის იბრძვიან. ბოლო ტურში არცერთს არ გველის იოლი თამაში. ჩვენთვის რომ ძალიან მნიშვნელოვანია მოედნის უპირატესობა და გულშემატკივრის მხარდაჭერა, ეს დღესაც დამტკიცდა, რადგან სრული დასწრება გვქოდა. აქედან გამომდინარე მოედნის უპირატესობა ჩვენთვის ძალიან დიდი სტიმული იქნება.
დავით უსტიაშვილი („ბათუმის“ მთავარი მწვრთნელი): წყდებოდა პირველი ადგილის ბედი და დაძაბულ თამაშს მოველოდით. თავიდან ცუდად დავიწყეთ, მერე გამოვასწორეთ. თუმცა ვთვლი, რომ ქუთაისს მოგვიანებით ცოტა უფრო გაუმართლა, მსაჯებმა ცოტათი აგრესიული თამაშის უფლება მისცეს და ამან განაპირობა. ძალიან საინტერესო და დაძაბული თამაში გამოვიდა.
