დინამო – მგზავრები-არმია – წინასამატჩო პრესკონფერენცია

სუპერლიგის მეორე ტური ,,დინამოსა’’ და ,,მგზავრები-არმიას’’
დაპირისპირებით დასრულდება. თამაშის დაწყებამდე გუნდების მწვრთნელებმა წინასამატჩო
პრესკონფერენციაზე ისაუბრეს.

ირაკლი ხოშტარია(,,დინამოს’’ მთავარი მწვრთნელი): ვფიქრობ,
მომზადების რაღაც დონეზე ავედით. სრულყოფილ ფორმაში არ ვართ, მაგრამ წესით უკეთეს ფორმაში
ვართ, ვიდრე წინა თამაშზე. მოწინააღმდეგეზე არ მაქვს ბევრი ინფორმაცია, გუნდს ახალი
მწვრთნელი და ახალი მოთამაშეები ჰყავს, ამიტომ გადაჭრით რამის თქმა არ შემიძლია.

ბუბა ბერიშვილი(,,მგზავრები-არმიას’’ მთავარი მწვრთნელი):
ჩვენი გუნდიც ბევრად უკეთ გამოიყურება წინა ტურთან შედარებით, საბრძოლო განწყობაც გვაქვს.
მოწინააღმდეგე საკმაოდ გამოცდილი მოთამაშეებითაა დაკომპლექტებული და ვეცდებით მაქსიმუმი
გავაკეთოთ მათ წინააღმდეგ.