მგზავრებმა რუსთავიც დალაშქრეს

 სტატისტიკა  გალერეასუპერლიგაში დასარჩნად მებრძოლმა „მგზავრებმა“, რომელმაც
წინა ტურში ლიდერ „დინამოს“ სძლია, დღს კიდევ ერთ პლეი ოფში ადგილდაბევებულ გუნდს მოუგო.
„მგზავრები“ „რუსთავს“ შეხვდნენ და ბოლო პერიოდში გამოჩნილი შედეგიანობის ხარჯზე დიდი
სხვაობით – 91:59 გაიმარჯვეს.

არადა, მატჩი ისეთ ბრძოლაში დაიწყო, ასეთ დასასრულს
ალბათ ცოტა თუ წარმოიდგენდა. „მგზავრები“ უმეტესად იგებდნენ, მაგრამ მესამე პერიოდის
დასასრულამდე 4-5 ქულაზე მეტით წინ ვერ გავიდნენ. რუსთაველებმა რამდენჯერმე წინ გასვლაც
მოახერხეს, მაგრამ მასპინძლებმა მესამე პერიოდი სათავისო ანგარიშით – 63:54 დაასრულეს
და გარდატეხაც აქ მოხდა. ბოლო პერიოდში „მგზავრებმა“ 28:5 იმარჯვეს და საბოლოოდ მორიგი
გამარჯვება მოიპოვეს, რისი წყალობითაც ბოლო ადგილს თავი დააღწიეს.

გამარჯვებულებს 25 ქულით, 8 მოხსნით და 6 პასით ოთარ
ფხაკაძემ ულიდერა. 22 ქულა და 8 მოხსნა მოაგროვა კორი ალენმა, 16 ქულა და 10 მოხსნა
დერნელ ტეილორის ანგარიშზე დაგროვდა. „რუსთავში“ 16 ქულით რევაზ ჩაჩანიძე გამოირჩა,
11 ქულა და 9 მოხსნა მიითალა სერგო ათუაშვილმა.

26-ე ტურის ბოლო მატჩში ერთმანეთს „ოლიმპი“ და „სოხუმი“
შეხვდებიან. 
მატჩისშემდგომი კომენტარები

თემურ კანკია (მგზავრების მწვრთნელი):

„ჩვენ ფაქტიურად დასაკარგი არაფერი გვაქვს. ყოველ თამაშში
გამოვდივართ ბოლომდე საბრძოლველად. საიმისოდ, რომ მოვიგოთ და წარმატების იმედი გვქონდეს.
ესეთი მონდომება უნდა შევინარჩუნოთ და საწადელს მივაღწევთ“.
რამაზ გოგობერიშვილი (რუსთავის მთავარი მწვრთნელი): 
„დაცვაში ჩვენი მარგი ქმედების კოეფიციენტი ნულის ტოლი იყო. ასეთი თამაშით წინ ვერ წავალთ, მოგვიწევს გუნდში რაღაც ცვლილებების მიღება“