იუბილარი ვაჟა ჭკუასელი ოლიმპიურ სასახლეში დააჯილდოვეს

საქართველოს დამსახურებული კალათბურთის მწვრთნელი, ვაჟა ჭკუასელი იუბილარია. არაერთი ცნობილი ქართველი კალათბურთელის გამზრდელი სპეციალისტი 70 წლის გახდა.

ოლიმპიურ სასახლეში დღეს გამართული სუპერლიგის მატჩის დროს ვაჟა ჭკუასელი დააჯილდოვეს. „დინამო“ – „მგზავრების“ დიდ შესვენებაზე იუბილარს ეროვნული ნაკრების მაისური და საპატიო სიგელი გადასცა საქართველოს კალათბურთის ეროვნული ფედერაციის პრეზიდენტმა, მიხეილ გაბრიჩიძემ.